При теренската посета во тетовско Фалише вицепремиерот задолжен европски прашања Бујар Османиодговори на новинарските прашања зошто се прават кадровските промени кои се очекуваат на денешната посебна седница на Владата. Според него потребно е да се смени фокусот на дејствување на Владата и затоа се потребни промените во администрацијата.
-Има договор помеѓу коалиционите партнери 4 годишниот мандат на оваа Влада да се дели на два дела. Во првиот дел да се затвораат политичките прашања и да се постигнат стратешки цели на државата во однос на НАТО и ЕУ и мислиме дека до крајот на годината ќе биде и НАТО и почеток на на преговори со ЕУ. Остатокот од мандатот се разбира фокусот целосен да се префрли од политка во политики. А тоа значи политики за поголем животен стандард за подобра животна средина за повеќе работни места за повисоки плати итн,рече Османи.
Тој вели дека е исполнет предусловот со затворањето на политичките теми.
-Затоа коалиционите партнери одлучија дека секој во својот двор во својата партија да направи одредени реструктурирања односно обнова на кадровските потенцијали што ги имаат партиите во раководењето на институциите. Очекуваме дека секоја партија да предложи во Владата одредени промени вклучувајќи ја тука и ДУИ, дел ќе бидат преместени од една иснтитуција во друга, зборам за нашите претставници, дел ќе бидат сменети со нови имиња, рече Бујар Османи.
Вицепремиерот оцени дека денес ќе има само одлуки за разрешувања додека на наредни седници на Влада и да се назначуваат нови кадри. Според него помалку од 10 ќе бидат кадрите на ДУИ кои ќе бидат заменети.
Александар Самарџиев
