Секторот за јавни дејности при општина Тетово информира дека во вториот уписен рок на 24 и 25 јуни во тетовските средни училишта се запишале 186 ученици од кои 128 на настава на албански јазик и 58 на македонски јазик. Севкупно во двата уписни рокови се запишани 1270 или 64,8 % од учениците кои завршиле основно образование.
-Вкупно има запишано 995 ученици во наставата на албански јазик (62,6 % од завршени основци на албански јазик), 264 на македонски наставен јазик (77,4%), и 11 на турски јазик (37,9%). Остануваат високите критериуми за упис во средните училишта, истакна Ахмед Ќазими, раководител на општинскиот сектор за јавни дејности.
Основно училиште во тетовскиот регион завршиле 2060 деветоодделенци. Третиот уписен рок е во понеделник 29 јуни.
А.С
