ОК на ВМРО Народна партија Тетово на последната седница одлучи на претстојните вонредни избори за Советот на Општина Тетово да не учествува со своја предлог-листа, информираше партијата преку соопштение.
-Имено, и покрај нашите заложби за поднесување заедничка листа на македонските партии со цел максимизирање на бројот на Македонци во општинскиот Совет, нашата идеја не наиде на плодна почва. Нашиот предлог наиде на затворена врата и од СДС и од ДПМНЕ одново на штета на македонскиот народ во Тетово. Токму тоа е и нашата цел за неучество на овие избори: да се спречи понатамошното одлевање на македонските гласачи.
Исто така, од причина што на изборите минатата есен ВМРО Народна партија не успеа да освои мандати во Советот на Општина Тетово, сметаме дека најчесно е на овие вонредни избори мегданот да го поделат партиите и коалициите кои успеаја да освојат советнички места.
Во оваа прилика ги повикуваме гласачите и симпатизерите на ВМРО Народна партија да го дадат својот глас за онаа листа која најдобро ќе ги штити интересите на македонските граѓани во Тетово, соопшти ВМРО НП.