Двајца другари на 16 и 17 години завршиле во болница откако со автомобил ноќеска удреле во ѕид од куќа во тетовско Теарце. Возилото „Фолксфаген голф“го управувал помладиот, 16 годишник без да има положено за возачка дозвола.
-Рано утринава околу 3 часот и 30 минути, во тетовското село Теарце, патничко возило „Фолксфаген голф“ со тетовски регистарски таблици, кое го управувал 16-годишникот од ова село, излетало од коловоз и удрило во sид од куќа. Двајца сопaтници од возилото со друго возило пренесени се во тетовската клиничка болница за укажување на помош. Извршен е увид, инфомираше СВР Тетово.
Тетовската полиција бележи и случај на 27 годишник кој без возачка дозвола управувал „БМВ“ па удрил и повредил велосипедист на улица „Благоја Тоска“ во градот во неделата околу 19 часот и 20 минути.
-27-годишниот А.И. од тетовско Селце, удрил во 70-годишниот тетовец Н.Е.Прво го напуштил местото, а потоа самиот се пријавил во Полициската станица за безбедност на патниот сообраќај Тетово, инфомираат од СВР Тетово.
Велосипедистот поради повредите е задржан на болнико лекување во тетовската клиничка болница.