Рано изутринава во 2 часот и 10 минути, М.И.(51) од тетовско Долно Палчиште во СВР Тетово пријавил дека околу 1 часот и 30 минути, додека престојувал во казино на улица „Илинденеска“ во Тетово, физички бил нападнат од Г.И.(43) од Тетово. Тетовецот со остар предмет му нанесол убодна рана во левата рака. Се преземаат мерки за расчистување и документирање на случајот, се вели во соопштението на СВР Тетово.
Вчера (26 февруари) во 18 часот и 40 минути, Р.Ќ.(34) и Г.Ќ(29) од Тетово во СВР Тетово пријавиле дека на улица „Видоја Смилевски-Бато“ во Тетово, половина час пред тоа, физички биле нападнати од сопственик на кафетерија и од Б.А.(44) од Тетово. Според пријавителите, двајцата напаѓачи во нападот користеле и тврди предмети. Во меѓусебната тепачка, а поради недоразбирања околу паркирање на возило, едно лице задобило тешки, а едно телесни повреди. Се работи на целосно расчистување и документирање на случајот, информираат од СВР Тетово.