Засегнатите страни од деветте полошки општини кои учествуваат во првата јавна расправа имаа можност да дадат забелешки и сугестии за итните мерки за подобрување на состојбата на депонијата Русино како прва фаза во рамки на спроведување на проектот за развој на регионалната депонија во Полошкиот регион.
-Каква прва активност е подобрување на условите на Русино и за таа цел се прави техничка документација која ќе овозможи, се надеваме во јануари да се отвори тендерска постапка на која ќе се изберат изведувачи за извршување на тие подобрувања на самата депонија. Се надеваме дека изведбата на овие активности ќе може да се почне кога ќе пројде зимата и до крај на мај да се спречи излевање на исцедокот во Русино, изјави Јан Тејсинг, експерт за животна средина и тим лидер за управување со отпад во полошкиот регион во рамки на проектот.
По првиот чекор за спречување на излевањето на загадената вода или исцедокот од депонијата во животната средина ќе работи и на втора фаза на унапредување на Русино.
-Втор чекор е доведување на самата депонија во контролирана или инжинерска депонија во која што редовно ќе се покрива отпадот ќе се спречи исцедокот и нема да има појава на пожари, тоа е е организирано управување со една депонија која ќе исполнила услови согласно европски директиви, рече Тејсинг.
Паралелно со планот за управување со отпад во Полошки плански регион се работи на стратегија на животна средина како обврска согласно законот за животна средина.
-Самата постапка е апстрактна, бидејќи постапката анализира 30-тина документи. Главна оценка е дека самиот документ нема конфликт со оние релевантни стратешки документи, поврзани со управување со отпад со управување со воздух, вода, развој итн. Самиот документ се подготвува во време кога се врши ажурирање на законодавството за управување со отпад. Поради тоа и самиот документ во рамките на целите ги вклучува и оние целите кои се предмет на ажурирање на самото законодавство, изјави Марјан Михајлов одговорен за животна средина во рамки на проектот.
Планот кој опфаќа три фази во периодот 2019-2029 предвидува и формирање на заедничко јавно претријатие кое ќе управува со отпадот во полошкиот регион.
А.С