На тетовското подрачје од 16 до 20 март евидентирани се 295 лица кои потпишале писмени изјави за самоизолација дома во насока на превенција од ширење на коронавирус, соопшти денес СВР Тетово.
-Полицијата врши проверки дали се придржуваат до дадените препораки и дадената обврската дека ќе престојуваат дома во предвидениот рок. Во текот на денот се вршат неколку проверки дали лицата се дома или го напуштиле станбениот објект, соопшти денес СВР Тетово.
МВР на 17 март објави дека едно лице од Тетово ја прекршило мерката за самоизолација и за него е поднесена соодветна пријава до Обвинителството по членовите 205 и 206 од Кривичен законик за пренесување заразна болест и непостапување по здравствените прописи за време на епидемија.
А.С