Во употреба денеска беше пуштена училишната спортска сала за основното училиште „Реџеп Вока“ во тетовска Шипковица. Потрошени биле 24 милиони денари, во рамки на проектот за изградба и опремување на 145 училишни спортски сали финансиран со средства од Банката за развој при Совет на Европа.
-Основното училиште „Реџеп Вока“ во Шипковица од Тетово сега има нова и модерна спортска сала, која не само што ќе им служи на учениците и наставниците од ова училиште за достоинствено реализирање наставата по часовите по спорт и спортски активности, а ќе имаат можност објектот да го користат и по завршувањето на часовите. Секако, оваа сала покрај учениците ќе можат да ја користат и локалните жители за рекреативни активности, спортските клубови и здруженија и сите заинтересирани, изјави министерот за образование и наука Арбер Адеми.
-Ова е прва спортска сала која се гради и пушта во употреба во селата на Шар планина. Ние како општина ќе работиме и на отворање паралелки за ран детски развој, рече градоначалничката Теута Арифи.
Преку проектот за изградба и опремување на 145 училишни спортски досега се изградени 70 спортски сали, додека 15 други сали се во фаза на градба, информираа од Министерството.