Се одржа годишниот концерт на „Камерен оркестар на млади виолинисти“, составен од студенти на Факултетот за уметности-студиска програма за музичка уметност на Универзитетот во Тетово. Студентите под раководство на професорот Блерим Груби концертот го одржаа во концертно-театарската сала на Факултетот за уметности во Тетово.
-Го завршуваме семестарот и годината со годишен концерт. Повеќето учесници се апсолвенти,истиот концерт се одржа во Културно информативниот центар во Скопје. Сега завршуваме во Тетово. Ова е наш проект, на Универзитетот во Тетово автентичен. Кога дојдоа овие студенти во прва година не беа на потребното ниво но успеавме и со радост покажуваме што сме постигнале. Имав желба да имаме концерт во Струга и Дебар и други места но ги оставивме за друг пат, истакна професорот.
Услови за работа и интерес има, младите ја сакаат музичката уметност но уште треба да се работи на подобра состојба, оценува професорот Груби.
-Ние нашето сме го завршиле сега треба компетентите луѓе да ги стават на потребното место и да им дадат работа. Ова се наши ѕвезди со кои се гордееме. И треба да ги поддржиме, треба да ја поддржиме младината, зошто таа е над се. Со намера го нареков камерен оркестар на млади уметници за да можат да имаат и други проекти поддржани од институциите. Имаме средно музичко училиште, има услови и во центарот за култура, малку треба да се среди акустиката затоа што ова е повеќе е за театар отколку за концерти. Треба да се подигне и менталитетот за култура Сега само ни требаат луѓе да работат со студентите, потенцира Блерим Груби.
Дел од програмата беше изведба на делаод С.Ѓони, А.Муља, З.Тупеци, Елвис Присли и Битлси.
А.С