Членовите на фото клубот „Чкрап“ од Тетово ја организираа традиционалната годишна изложба на фотографии. Ова е 16-та изложба на фотографии кои тетовската публика има можност да ги види во Уметничката Галерија каде вчера беше свеченото отворање.
-На оваа изложба имаме 22 фотографи кои се претставуваат со вкупно 44 фотографии. Нашиот концепт е изложна на работата на луѓето, на фотографите и како тие гледаат на тоа не е според зададена тема. Фото групата имаше апсолутна слобода во избор на мотив, техника,формат па дури и на начинот на презентација на фотографиите, изјави Драги Неделчевски од Фото клубот „Чкрап“ од Тетово.
Дел од фотографиите се претставени на изложби надвор од Тетово.
-Имаме членови и од други градови во Републиката, како и од странство. Направивме принт изложба, а каталогот ни е дигитален и така го испративме електронски до публиката, рече Неделчевски.
Фото клубот„Чкрап“ е основан во 2003 година.