Големи гужви и собирање на луѓето се евидентни денес пред банките, поштите и другите институциите на државно и локално ниво поради издавањето на државните платежни картички за помош на населението во ситуацијата со Ковид-19 и другите мерки.
Градоначалничката Теута Арифи смета дека установите пред кои се собираат граѓаните треба да го зголемат број на службеници за да оди полесно издавањето на картичките што според неа претставува периодична состојба.
-Забележана е зголемена посетеност на граѓаните на банките, што е поврзано со издавањето на домашни платежни картички. Со цел да се избегнат непожелни сценарија на евентуална инфекција како резултат на масовно собирање на луѓе, апелираме до комерцијалните банки да го зголемат бројот на службеници на шалтерите и на влезовите на банките, вели Арифи, по денешната средба со претставниците на други институции од Кризниот штаб.
На новинарско прашање зошто според договорот од април нема повеќе полицајци и војници, таа вели дека договореното е на сила но сепак не може да се повикаат полицајци.
-Треба да се има во предвид дека полицијата и војската имаат полни раце работа на терен. Сега кога нема забрана за движење има други проблеми па полицијата е потребна на терен, истакна Арифи.
А.С
