Дваесет и деветгодишник од Мала Речица е приведен поради прекршување на полицискиот час, информира тетовската полиција. Тој се движел еден час по почнување на забраната за движење околу 23 часот.
-Во периодот од 22 часот на 16 март до 5 часот на 17 март 2021 година на подрачјето на СВР Тетово регистриран e еден случај на непочитување, односно на кршење на владината одлука за целосна забрана за движење. Околу 23 часот на улицата „175“ е затекнат 29 годишник од Мала Речица кој не ја почитувал мерката на Владата за целосна забрана за движење, информираат од СВР Тетово.
Во текот на изминатото деноноќие, според статистиката на Секторот за внатрешни работи Тетово за периодот од 7 часот на 14 март до 7 часот на 15 март за неносење заштитни маски на 38 лица изготвени им се прекршочни платни налози, согласно член 6 од соодветната владина Уредба.
А.С
