Изминатиот викенд (5/6 февруари) од 20 до 2 часот, на подрачјето на СВР Tетово спроведена е акциска контрола на возачи, дали и колку од нив управуваат под дејство на алкохол.
При контролата откриени и законски санкционирани биле 6 возачи (ТЕ-4 и ГВ-2), кои управувале возила по дејство на алкохол. Тие се исклучени од сообраќај, времено им се одземени возачките дозволи и изготвени им се соодветни поднесоци. При контролата, исто така, санкционирани се и 19 други видови сообраќајни прекршоци(ТЕ-11 и ГВ-8).
-Секторот за внатрешни работи Тетово повторно со апел до возачите да не седнуваат зад волан под дејство на алкохол зашто со тоа најдиректно ја загрозуваат сопствената и безбедноста на другите учесници во сообраќајот, бидејќи алкохолот мошне негативно влијае на нивната можност безбедно да го управуваат возилото. Секторот за внатрешни работи Тетово потсетува дека на сите возачи кои управуваат возила по дејство на алкохол им се изготвуваат поднесоци, се исклучуваат од сообраќај и ќе се соочат со парични глоби кои, зависно од степенот на алкохолизираност, се движат од 200 до 375 евра во денарска противвредност, како и со одземање на нивните возачки одзволи од три месеци до една година, информира Марјан Јосифоски, портпарол на СВР Тетово.
Минатиот месец (јануари) на поширокото тетовско подрачје поради управување под дејство на алкохол вкупно биле исклучени од сообраќај 72 возачи или двојно повеќе во споредба со минатогодишниот јануари. На гостиварското подрачје, пак, оваа бројка изнесува 25.