Двајцата ранети при пукањето на свадбата во тетовска Мала Речица имале повреди во градите и поради сериозноста се однесени на Клиниката за торакална хирургија, инфомираат денес од тетовската клиничка болница. Двајцата повредени по оперативните зафати се во стабилна состојба.
-Дежурна екипа вчера ги примила двајвата повредени со по една рана во предел на градите. Едниот повреден веднаш по првата помош е однесен во Клиника за торакална хирургија во Скопје. После направени иследувања и опсервации и поставена индикација и за вториот е донесе одлука да се однесе на истата клиника, изјави д-р Илбер Бесими, раководител на одделението за хирургија при клиничка болница Тетово.
СВР Тетово објави дека станува збор за 27 годишник со иницијали А.Б од Мала Речица и 26 годишниот Ф.А од Голема Речица.
-Инцидентот се случил вчера околу 22 часот, на свадбена свеченост организирана во дворот од куќата на 47-годишниот Б.Д, на улица „172“ во тетовска Мала Речица, изјави портпаролот на СВР Тетово, Марјан Јосифовски.
Јавен обвинител и екипа од Секторот за внатрешни работи Тетово извршиле увид и се преземаат мерки за целосно расчистување на случајот.
