Тетовската полиција информира дека изминативе 24 часа се приведени две лица.
Вчера (4 октомври) околу 11 часот и 30 минути, во тетовска Мала Речица, полициски службеници на СВР Тетово го привеле 55-годишниот С.С. од ова село, осуден на затворска казна за сторени кривични дела„ недозволено изработување, држење и тргување со оружје или распрскувачки материи“ и „ фалсификување пари“.По приведувањето, реализирано со судска наредба, С.С. спроведен е во Казнено-поправната установа Затвор „Тетово“ во Тетово за издржување на кaзната, соопшти СВР Тетово.
Денес (5 октомври) околу 1 часот и 45 минути, на улица „29 Ноември“ во Тетово, полициски службеници на СВР Тетово го привеле Џ.М.(19) од Скопје, со времено престојувалиште во Тетово, кој го нарушил јавниот ред и мир, а потоа се однесувал агресивно и ги навредувал и омаловажувал. Тој е задржан во Полициската станица Тетово и ќе му биде изготвен поднесок, информира СВР Тетово.