Тетовската полиција во изминатото деноноќие бележи шест контроли дали се почитуваат Протоколите за отворање и работа на кафитериите и угостителските објекти за исхрана донесени од Владата во насока на спречување и ширење на коронавирусот. При тоа постапено е во еден објект во населенето место Брвеница каде се приведени две лица.
-На 19.09.2020 во 22.50 часот во угостителски објект во Брвеница, тетовско, полициски службеници од СВР Тетово ги лишиле од слобода 62 годишник од Брвеница и 48 годишник од Голема Речица. Било констатирано дека мерките не биле почитувани од сопственикот, 62 годишникот од Брвеница. Со тоа постоело основано сомнение дека сторил кривично дело- „непостапување според здравствените прописи за време на епидемија“ казниво по чл.206 од Кривичниот законик. При контролата 48 годишникот од Голема Речица одбивал да се легитимира, ги омаловажувал полициските службеници и при извршен претрес кај него бил пронајден нож, информираше денес Министерството за внатрешни работи.
По целосно документирање на случајот против нив ќе бидат поднесени соодветни пријави.
