Движењето Антикоцкање од Тетово поради незадоволство што нема измени во законот за игри на среќа најави дека ќе го блокираат сообраќајот на автопатот Тетово-Скопје. Тоа според, нив ќе се направи на денот кога ќе почне предизборната кампања.
-Ги информираме граѓаните и граѓанските здруженија дека на денот кога почнува предизборната кампања Движењето ќе го блокира одвивањето на сообраќајот на автопатот кон Скопје, кај патарината кај Желино од 10 часот, истакна на прес конференција, Џемал Абдиу од Движењето.
Тие се незадоволни што политичките партии во Собранието не го ставија законот на дневен ред на седница, иако имало комисиска расправа.
-Причината поради која го немаме долгоочекуваниот закон се двете партии СДСМ и ВМРО ДПМНЕ. Рековме дека јавно ќе ги демаскираме сите оние кои што ќе застанат на страна на коцкањето и не го усвоија законот, рече Џемал Абдиу од Движењето, повикувајќи ги партиите во изборната програма приоритет да им биде законот за игри на среќа.
Тие бараат објектите на игри на среќа да бидат на 3километри од населените места
А.С
