Движењето Анти Коцкање од Тетово информира дека е испратено отворено писмо до премиерот Зоран Заев, за како што велат, дозволувањето за помпезо отворање на ланец обложувалници. До комисијата за финансирање и буџет е пратено писмо за непочитување на сегашниот закон.
– Во моментот кога Европа ни ги згасна светлата се запалија светлата на ланец обложувалници,светлата од свеченото отварање на казино насред Скопје со странски капитал. Република Северна Македонија станува Балкански Лас Вегас со низок стандард и пренагласено коцкање,ова е срамно, се вели во писмото.
Тие бараат одговорност од премиерот.
-Господине Премиер овие обложувалници и казина не паѓаат од небо туку вие и Министерството за Финансии им давате дозвола,затоа да не се чудиме зошто останавме дел од Балканскиот Полуостров бидејќи овој ланец на обложувалници е само во Босна и Херцеговина,Србија и во Континентот Африка. Замислете нивното мото е “Животот е игра” ако и вие го мислите истото ви укажуваме дека сте во грешка бидејќи при средбата со нас ви укажувавме дека со комар не се оди во Европска Унија, се наведува во дописот.
Од движењето потенцираат дека се фрустрирани со оваа состојба.
-И со право се сомневаме за соработка помеѓу институциите кои треба да се борат против оваа девијантна појава од една страна и компаниите на игри на среќа од друга страна. Ние Движењето Анти Коцкање од вас очекуваме дислокација или затварање на постоечките објекти бидејќи така изјавивте и ветивте а не да им се овозможува влегување на нови компании. Коцкањето е злостор – ство,,злосторството не се толерира,не дозволувајте разрушување на хармоничните семејства, се вели во сопштението.
За недонесување на нов закон за игри на среќа,писмо е испратено и до Претседателот Стево Пендаровски.
