Движење Антикоцкање од Тетово на денешната прес-конференција информираше не се согласуваат со предлозите на министерствата објектите да бидат одалечени 500 метри само од два вида образовни институции – основно и средно училиште.
-Ние знаеме дека се избрани со гласот од граѓанинот меѓутоа не е во ред да даваат предлози и да одлучуваат против благосостојбата на тој граѓанин. Искрено ги известуваме нив дека ние како ДАК не сме во можност да ги следиме нивните предлози за законот за коцкање бидејќи при честа промена на власта тие даваат се полоши и полоши предлози, истакна Џемал Абдиу од Движењето Антикоцкање.
Најавија дека во вторник ќе се организира протест против отворање на ново казино во близина на градинка.
– Во вторник на 22 февруари во 14:00 часот ќе дадеме поддршка на граѓанскиот протест против отворањето на казиното близу градинката „Младост“ кај кружниот тек кон некогашната текстилна фабрика „Тетекс“, изјави Абдиу.
Тие побараа општина Тетово како институција согласно ингеренциите да ги заштити граѓаните.
