Штрајк денес одржаа членовите на Синдикатот на работниците од управата, правосудните органи и здруженија на граѓани на РМ и Здружението на судска администрација. Тие побараа регулирање на исплата на платите и правичен третман со судиите.
-Денес се собравме овде пред судската зграда ние членовите на Синдикатот на работниците од управата, правосудните органи и здруженија на граѓани на РМ и здружението на судска администрација да го искажеме незадоволството на вработените во Судската служба и против одлуките на судскиот буџетски совет кој на разни начини е опструира и не сака да ги врати парите од штрајкот на дел од вработените а кои пари преку преговори и разговори со Владата на РСМ ги обезбеди Синдикатот на УПОЗ и на Здружението на судска администрација како и против одлуките за додатоци за лата за септември и октомври, истакнаа од Синдикатот.
Пораката од овој протест е следна:
-Апелираме до судскиот буџетски совет да ја прекине праксата на дискриминирачкиот и игнорантскиот однос спрема судската служба со донесување на одлуки според кои пари за судиите секогаш има, а за судската администрација нема.
-Да прекине со создавање на раздор, незадоволство и револт со ваквите одлуки меѓу вработените
-Да покаже искрени намери во градење на градење на ефикасно судство како стратешка определба на РС Македонија со тоа што ќе отпочне да го намалува, а не да го зголемува јазот меѓу судиите и судската служба
-Бараме итно да да им бидат исплатени парите на нашите колеги од судска полиција, помошно-техничкиот персонал, на пензионираните, на вработените кои имаат најниски примања.
-Апелираме до Вас и вашата совест да ја разбудите и видите реалноста. Непочитувањето закони и прописи кога се во прашање вашите интереси. Кога сме во прашањае сите ние вработените, судските службеници, судската полиција и помношно-техничкиот персонал, за нас нема пари или секое решение што оди во наша користат за вас е назаконско наоѓајќи разно разни изговори.
-Судството не се само судиите, туку дел од тој тим се и сите вработени во судската служба, кои заслужуваат еднаков третман. Перпцепцијата за судството и дома но и пред меѓународната заедница ќе се подобри само кога целиот тим заеднички и посветено ќе работи за истата цел.
Затоа бараме од Министерството за правда итно да пристапи на:
-Измена на законите да утврди поинаква позиција а Судската служба независна од милоста на судскиот буџетски совет и да формира посебно тело кое ќе биде одговорно за нас.
-Задолжително да имаме претставник во Судскиот буџетски совет
-Задолжително да имаме претставик во Советот на судска служба
