Со детската претстава „Луди кловнови“ во Тетово, Националниот совет на Србите во Македонија реализираше дел од манифестацијата „Денови на српска култура во Македонија“. Претставата ја следеа учениците од основните училишта во градот.
-Станува збор за детска претстава која ја реализираа деца-актери но и професионални актери. Во Тетово заедно со Регионалниот одбор на српската заедница КУД Свети Сава, сакавме предновогодишно да ги израдуваме децата од овој град, изјави Гордана Јовиќ Стојковска, претседател на Националниот совет на Србите во Македонија
Претставата беше реализирана во еден од угостителските обејкти во Тетово.
-Оваа претстава требаше да ја видат повеќе ученици од скори сите училишта. Но од Центарот за култира бевме одбиени поради наводна презафатеност иако ова се одигра преку ден. Штета е бидејќи театарот е понедостапен надвор од Скопје. Со вакви потези домовите за култура остануваат мртви објекти ако работниците од културата не бидат внатре и да создаваат култура, рече Гордана Јовиќ Стојковска.
Наредните денови ќе се промовира книгата „Шекспиров клиент“во Скопје и Куманово. Претставата„Луди кловнови“ освен во Тетово ќе се одржи во Куманово и во Росоман. Во рамки на „Денови на српска култура во Македонија“предвидена е и средба на граѓанските здруженија.
А.С
