Јавното комунално претијатие „Тетово“ објави дека по интензивна работа заврши санирањето на дефектот на водоводната мрежа поради пукната цевка Ф300 на улицата Цветан Димов во Тетово. Сепак утринава во Тетово се уште нема вода во дел од домаќинствата, а според неофицијални информации појавени се нови проблеми и дефекти во водоводната мрежа, за што податоци се очекуваат во текот на денот од раководството на комуналното претријатие и општината.
Над 12 часа беа потребни да се санира дефектот и имаше прекин во водоснабдувањето во градот. Откако вчера започнаа во 11 часот и 30 минути, санацијата работниците на ЈКП ја завршија околу полноќ по што поголем дел до домаќинствата добија вода за пиење.
-Вработените од единицата Водовод и канализација при ЈКП Тетово работеа 12 часа нон-стоп, во климатски услови и поројниот дожд за да го оттстранат големиот дефект во водоводот на Ф-300 на главната водоводна мрежа на Тетово на улицата до Полициската станица во Тетово. Како резултат на овој дефект, поголемиот дел од градот Тетово остана без вода за пиење. Сакам да им се заблагодарам на овие луѓе за нивната неуморна работа која траеше до доцните ноќни часови и која ни овозможи на нам граѓаните повторно да имаме вода , со оглед на фактот дека сме во летната сезона и во пандемични времиња, кога водата се претставува примарна и суштинска потреба. Им благодарам на граѓаните за трпеливоста, солидарноста и разбирањето кои ги имаа во текот на денешниот ден во периодот без вода за пиење, но најмногу на посветеноста и максималната жртва на работниците во ЈКП Тетово за да го вратат во функционална состојба системот за водоснабдување на Тетово, истакна градоначалничката Теута Арифи на профилот на социјалната мрежа Фејсбук.
Поради големиот дефект околу 60 отсто од градот се соочи со прекинот во водоснабдувањето.
А.С
