Општинската организација на СДСМ од Тетово вчера спроведе еко акција за чистење на Попова Шапка.
-Тетовчани денес покажаа колку ја сакаат и се гордеат со Попова Шапка, за тоа говори и бројот на граѓани кои се приклучија и учествуваа на денешната еко-акција за чистење на Попoва Шапка, организирана од страна на Општинската организација на СДСМ Тетово. За чиста и здрава животна средина подеднакво одговорност имаме сите. Со преземање на одговорност и грижа за природните богатства со кои располагаме се приклучуваме на современото европско живеење, изјави Живе Алексовски, координатор на советничката група на ОО СДСМ Тетово во Советот на општина Тетово.
Тој се осврна и на државните инвестиции околу Попова Шапка
-Грижата за Попова Шапка ја покажавме и преку реконструкцијата на единствениот пат кој води до Попова Шапка. Новиот шестосед кој ќе ги опслужува скијачите на нова модифицирана скијачка рута преку Ге, Аеродром, Поток, Срт, Мал Јелак и пола Церипашина, со што се добива комплетно скијачко и рекреативно доживување на нашиот планински бисер. Исто така се усовршува и надоградува системот за ски билетите. Да го вратиме сјајот и приматот на Попова Шапка како врвен зимско-рекреативен центар, и да посакаме снежна и успешна сезона, рече Живе Алексовски.
