Невладината организација Еко Герила на прес конференција побара Владата и премиерот Зоран Заев да и ги одземат ингеренциите на општина Тетово поради големиот број нерешени проблеми пред се од аспект на животната средина. Истакнаа дека покрај преку медиумите барањето и соодветно видео за состојбите ќе испратат до премиерот Заев.
-Градоначалничката Теута Арифи во вториот мандат не успеа да одговори на потребите, барањата и законските обврски за да има чиста животна средина и функционален ред. Со оглед дека во предизборната кампања во 2017 вие и дадовте отворена поддршка ве молиме да ги одземете ингеренции на општина Тетово за кои истата не успеа да се справи и да ги управува, изјави Арианит Џафери од Еко Герила.
Пред новинарите го објавија видео за да визуелизираат како се намалуваат зелените површини поради градење нови згради.
-Иако парковите и зелените површини се во сопственост на сите граѓани, истите се бетонираат а општината молчи и не презема да се спречи тоа. Градот е претворен во урбана пропаст, преовладува сообраќаен хаос, недостаток на јавна чистота, депонии за отпад во повеќе делопви од градот, недостаотк на паркинг нста и јавен превоз, рече Џафери.
Попусто општина Тетово има ингеренции ако живееме во 19 век, сметаат во Еко Герила
-Според стандардите на ЕУ за секој граганин по жител треба да има по 15 квадрати зелена површина тоа е далеку од тоа што го има во Тетово. Не сме направиле студија колку е целосната површина узурпирана но тоа може да се види со голо око, тие зелени површини секој ден се изурпираат се повеќе и ги немаме. И на лето и на зима со метли се чистат улици додека во земјата веќе имаат механизации за чистење на улиците. Нема јавен превоз, а има еден куп проблеми и обврски кои произлегуваат од законот за општините кои Тетово не е во можност да ги исполант и затоа е потребно тие ингеренции да се иземат, рече Џафери.
Александар Самарџиев
