Културно уметничкото друштво „Кирил Пејчиновиќ“ од тетовско Теарце го одржа традиционалниот новогодишен концерт како завршен настан за претставување на членовите во повеќето секции. Пред публиката во салата во училиштето во Теарце настапија членовие на сите три секции-играорна, пеачка и три драмски групи.
-И оваа година го збогативме нашиот репертоар со ора и песни, од повеќе предели во Македонија. Публиката имаше можност да ги проследи младите таленти, вљубеници во орото и песната, бидејќи имаа што да покажат и имаме што да научиме од нив кога станува збор за начинот на негување и зачувување на традиционалната музика и игра, изјави Ива Божиновска, член на КУД „Кирил Пејчиновиќ“ од Теарце.
Годинава која изминува во октомври КУД „Кирил Пејчиновиќ“ беше на „Саем на стари занаети, обичаи и гужваријада“ во Даљ, Хрватска со свој настап со песни и кореографии.Во мај во Теарце се реализираше манифестацијата „Денови на Кирил Пејчиновиќ“ со гостување на четири други друштва.
А.С
