Утринава околу 9 часот и 30 минути загинал 43 годишник вработен во електродистрибутивната компанија ЕВН. Тој настрадал откако работел па паднал од далновод во близина на тетовското село Џепчиште.
-Во СВР Тетово околу 9.30 часот вработен во ЕВН пријавил дека неговиот колега Давид С.(43) од Милетино починал откако паднал од далновод. Работникот вршел интервенција односно отстранување на дефект на далновод кај Џепчиште. Повикана е итна медицинска помош која констатирала смрт, информира Марјан Јосифоски, портпарол на СВР Тетово.
Во тек е увид што започнаа да го вршат јавен обвинител и службите на СВР Тетово.
