Општина Тетово како општествено одговорна општина и во овој период од годината го организира по втор пат годинава, настанот – Ден без автомобили со затворање на една или повеќе улици за сообраќајот и ги отвора улиците за пешаци и велосипедисти . Со овој настан општина Тетово се приклучува кон одбележување на 22 септември Светскиот ден без автомобили.
Во недела за сообраќај вон функција ќе бидат ставени следните улици бул.Илирија, ул.Дервиш Цара и ул.Борис Кидрич во координација со службите на СВР Тетово.
Со овие активности уште еднаш ќе потврдиме дека се грижиме за воспоставување на патеки за пешаци и велосипедисти со соодветна сигнализација , а воедно и овој ден има за цел да ја крене свеста кај луѓето за зелените, еколошки транспортни решенија (јавен транспорт, пешачење, велосипедизам, итн.), како и да поттикне иницијатива за ремоделирање на градовите во насока на поддршка на ваквите модели на транспорт и приближување на јавниот простор, пред сè улиците, поблиску до луѓето. Одбележувањето на овој ден треба да ги поттикне граѓаните да замислат еден поинаков град кој ќе биде во функција на луѓето, а не на автомобилите.
Општина Тетово
