Во текот на ноември 2020 година Општина Тетово склучила вкупно 14 договори според кои треба да се реализираат јавни набавки за спроведување на разни видови градежни работи, инфраструктурни проекти, услуги и слично. Дел од руралните општини во овој месец од 2020 немаат склучено договори, а две од нив имаат само еден склучен договор за јавни набавки. Мониторингот на склучените договори е извршен во рамки на проектот „Анализа на јавните набавки во Полошки плански регион“ од страна на невладината организација „Младинска Алијанса“ и Тетово инфо.
Од 14-те договори на општина Тетово со највисока вредност е договорот склучен на 5 ноември со фирма од Мала Речица во висина од 11 милиони 480 илјади и 810 денари (со вклучен ДДВ) за реконструкција на улицата „Страшо Пинџур“. Истата фирма од Мала Речица има уште еден договор со Општина Тетово на 4 ноември 2020. Тоа е за реконструкција на улицата „117-Дритон Хоџа“, а вредноста е 5 милиони 661 илјади и 935 денари. Договор од повеќе милиони денари се бележи и на 10 ноември, кога е потпишан со фирма од Селце за услугата „Рушење на безправно градени објекти“. Договорот е вреден 7 милиони 999 илјади 999 денари. Договор со најниска вредност е со фирма од Желино за реконструкција на улицата „29 Ноември“ во вредност од 603 илјади 938 денари.
Општина Тетово има склучени договори за следните активности:
4.11 Изградба на атмосферска канализација за ул.„Ѓ.Стојчевски“
4.11 Реконструкција на ул.„116“
4.11 Изградба на улично осветлување за ул.„Г.Делчев“
4.11 Изградба на улично осветлување за ул.„117-Д.Хоџа“
4.11 Изградба на улично осветлување за ул.„Ѓ.Стојчевски“
5.11 Реконструкција на ул.„117-Дритан Хоџа“
5.11 Реконструкција на ул.„С.Пинџур“
10.11 Рушење на безправно градени објекти
16.11 Набавка на горива за потребите на возен парк на општина Тетово и ТППЕ Тетово
16.11 Нафта за греење на општина Тетово и ТППЕ Тетово
16.11 Реконструкција на ул.„29 Ноември”
20.11 Набавка и транспорт на бехатон плочки
20.11 оплочување со бехатон плочки на пат и тротоар на дел од ул.„146“
26.11 Изградба на улица “2” и улица “7” во УБ 98
Општина Желино има само еден случен договор во текот на ноември. Станува збор за услугата „изработка на урбанистичка планска документација за с. Стримница, Групчин и Добарце“, во вредност од 1 милион 112 илјади 740 денари со фирма од Тетово, договорен на 12 ноември 2020. Општина Теарце на 25 ноември го има склучено единствениот договор со фирма од Тетово за услугата „ Зимско одржување на локални патишта и улици“ со вредност од 1 милион 416 илјади денари.
Од руралните општини опфатени во проектот, во ноември договори немаат склучено општините Јегуновце и Брвеница.
Сите склучени договори за јавни набавки во текот на ноември 2020 година се објавени во секторот склучени договори на интернет страницата на Електронскиот систем за јавни набавки (ЕСЈН) при Бирото за јавни набавки.
Со цел подигање на транспарентноста и отчетноста во јавните набавки на ЕСЈН е воведена можност за објава на доделените договори за јавни набавки за постапките за доделување на договор за јавна набавка, при што целокупната јавност ќе има увид во истите.
Договорот за јавна набавка се прикачува во последниот чекор од формата на Известување за склучен договор и по објавувањето, истиот е достапен на јавната страна на ЕСЈН преку менито Известувања – Известување за склучен договор. Документот може да се симне преку колоната Документи на линкот „Прикажи“ или во самото досие на известувањето.
Моментално објавата на склучените договори е овозможена само за постапките за доделување на договор за јавна набавка кои се објавуваат преку модулот Известување за склучен договор, а во тек е имплементација на решение со кое ќе се овозможи објава на договорите за јавни набавки и за постапките со барање за прибирање на понуди.
Овој текст е изработен во рамки на проектот „Граѓански организации и Медиуми против корупција-Коалиција за нулта толеранција”. Изработката на текстот е со финансиска поддршка од Европската Унија. За содржината на публикацијата единствено се одговорни Младинска Алијанса-Тетово и Тетово Инфо и таа не мора да ги одразува гледиштата на Европската Унија.
