Во Тетово осум лица се приведени за неколку часа во два случаи на откриена дрога кај нив. Прво при претрес кои го направиле полицајци во угостителски објект и плац за стари возила, во рамките на кој се наоѓал објектот, лоциран на улица „Видоја Смилевски-Бато” маод 19 часот и 30 минути до 22 часот приведени се шест лица.
-Полициски службеници на СВР Тетово вчеравечер по претходно извршен претрес во објект сопственост на Н.С.(31) од тетовско Шемшово ги лишиле од слобода:Љ.С(24),С.А.(33) од Тетово, М.А.(37), од тетовски Порој, С.С.(29), С.С.(36),двајцата од Шемшово и сопственикот на објектот.При претресот, реализиран со судска наредба, на различни места, биле пронајдени 25 паковки кокаин и марихуана.Сето пронајдено е фотодокументирано и подигнато за вештачење.Лишените лица задржани се во Полициската станица Тетово за целосно расчистување и документирање на случајот и против нив ќе следуваат соодветни поднесоци, информира Марјан Јосифоски, портпарол на СВР Тетово.
Дваесетина минути по полноќ, на улица„113″ во Тетово, полициски службеници на СВР Тетово ги лишиле од слобода двајца жители на Тетово на 40 и 43 години затоа што при преглед им биле пронајдени марихуана и дробилка.Двајцата се задржани за расчистување и документирање на случајот.
