Куќен притвор на 4 лица, а на едно лице му е изречена мерка претпазливост за злоупотреба на службена положба и овластување, одредил судија на претходна постапка од скопскиот кривичен суд за осомничените за незаконска приватизација на земјиште со површина од 4.410 квадратни метри во Тетово.
-Во Основниот кривичен суд Скопје, пред судија на претходна постапка, денеска беа спроведени пет лица опфатени во предлог на Основното јавно обвинителство за гонење организиран криминал и корупција за определување мерка притвор против шест лица и мерки за претпазливост против две други лица. По произнесување на спроведените лица во однос на предлогот, како и ценење на фактите и доказите во предлогот, судија на претходна постапка донел решение со кое на четири лица им определил мерка куќен притвор, додека на едно лице му определил мерки на претпазливост односно – забрана за напуштање на живеалиштето односно престојувалиштето, привремено одземање на патна и друга исправа за преминување на државната граница и обврска за јавување на службено лице во судот“, информираат од скопскиот основен суд.
Од таму посочуваат дека едно лице, инаку член на судски совет З.Т опфатено со предлогот за определување мерка притвор се уште не е обезбедено од органите на прогонот.
