Изгорено машко тело е најдено по пожар во импровизирана барака во близина на спортската сала на тетовскиот спортски центар, информира денес СВР Тетово. Пожарот во тетовската пожарна е пријавен ноќеска околу 3 часот, додека подоцна и полицијата добила повик за настанот.
-Пријавен е пожар во импровизирана барака на улицата Љубо Божиновски-Пиш кај спортската сала. Бараката е целосно изгорена, а при тоа е најдено безживотно изгорено машко тело. Увид на местото направиле претставници на Јавното обвинителство, СВР Тетово и Судска Медицина. По наредба на обвнителот телото е предадено за обдукција и идентификација во Институтот за судска медицина во Скопје, изјави Марјан Јосифоски, портпарол на СВР Тетово.
Истрагата продолжува со мерки со кои ќе се откријат причините и околностите за настанување на пожарот, информираат од тетовската полиција.
