Од денес и во Тетово ќе се продава единствениот уличното списание во државата Лице в лице. По тој повод се одржа интерактивна промоција насловена „Лице в лице патување – од его кон еко“. Досега списанието се продава во шест градови од 30-тина продавачи на отворено. Списанието чини 100 денари, од кои половина е заработка за продавачот.
-Задоволство е огромно за нас бидејќи имаме голем број поддржувачи кои го обезбедуваа списанието само во Скопје, па сега ќе имаат можност тоа да го прават во Тетово. Уличниот печат е значен за развој во социјалната економија и дава шанса на лица кои се потешко вработливи, да се интегрират и да се засилуваат социјално и економски. Она што се зборува во филмот „Медена земја“ вредноста половина-половина, е она што го ние потребно и во социјалната економија за да се направи балансот во однос на искористување на природните ресурси но и економијата, изјави Климентина Илијевски, главна уредничка на списанието.
Мухамед Усени е 16 годишното момче кое во иднина ќе го продава списанието во Тетово.
-Јас сум од Теарце, се надевам дека на овој начин ќе успеам да заработам малку пари, рече Мухамед.
Повик за промена на навиките, преземање лична одговорност, но, и барање одговорност и будност од институциите, беа дел од пораките кои беа споделени на интерактивната промоција. Еко-активистот Аријанит Џафери од „Еко Герила“ посочи дека е поминато времето кога очите на граѓаните треба да се вперат кон еколошките активисти или граѓанските организации кои работат во доменот на животната средина. Драги Неделчевски, амбасадор на „Лице в лице“ во Тетово и голем поддржувач, изјави дека со уличното списание другарува повеќе години и се поистоветува со списанието
Концептот на улична продажба на списанието „Лице в лице“ е развиена во 600 градови низ сите контитненти и го има на 26 јазици.
А.С
