Полициски службеници на СВР Тетово вчера (13 февруари) од 12 до 16 часот спровеле зајакната контрола на возачите, како и колку ги почитуваат нивните обврски кон пешаците, односно дали им даваат предност при минување.
Во контролата биле откриени и санкционирани вкупно 13 прекршоци (ТЕ-8 и ГВ-5), кои во најголем број се однесувале на непропуштање на пешаците на облежани пешачки премини. На сите прекршители изготвени им се законски предвидените поднесоци и тие ќе се соочат со парични глоби, информира Марјан Јосифоски, портпарол на СВР Тетово.
При контролата, исто така, санкционирани се и 17 други видови сообраќајни прекршоци (ТЕ-11 и ГВ-6). Вчера од 8 до 20 часот на тетовско-гостиварското подрачје реализирани се и планираните контроли за брзина, во рамките на кои биле санкционирани вкупно 9 (ГВ) пречекорувања на максимално дозволената брзина надвор од населено место. Во овие активности со соодветни поднесоци биле заокружени и 33 други видови сообраќајни прекршоци (ТЕ-21 и ГВ-12).
