Секторот за внатрешни работи Тетово продолжува со интензивни активности за воспоставување поголем ред и безбедност со паркирањето во Тетово, посебно во неговото централно подрачје.
Вчера (21 јули) откриени, санкционирани и подигнати биле вкупно 15 непрописно, односно погрешно паркирани возила, најмногу во зона на крстосници и во таканаречен двоен ред.
Во овие контролни активности, исто така, откриени се и 3 лица кои ги управувале возилата без положен возачки испит, 2 возила со истечена регистрација и други видови сообраќајни прекршоци, кои биле заокружени со соодветни поднесоци, информира денес СВР Тетово.