Седум членови на карате клубот Шарпланинец од Тетово освоија медали на Државното првенство за деца од 10 до 14 години што се одржа викендов во Скопје. Со тоа седумте каратисти се изборија за влез во репрезентативниот состав за настап на Балканско првенство во април во Истанбул во Турција. Освоени се две златни и пет бронзени медали.
-Прво место и златни медали освоија Стефан Илиевски (13 години и категорија под 55 килограми) и Ања Крстевска (11години и под 40 килограми) додека трето место и бронзени медали Арбион Велии (13г. над 52 килограми), Бојан Ѓорѓески (13г. под45 кг) Ива Крстевска (13г. над 50кг.) Михаела Сапунџиевска (11г.под 36кг. ) и Марта Констанинопулу (11г.под 32кг.), информира Александар Давидовски, тренер во клубот Шарпланинец од Тетово.
А.С
