Четири златни медали, две сребрени и четири бронзени се успешните резултати на тетовскиот карате клуб „Шарпланинец“ постигнати викендов на силниот меѓународен турнир „GRAND PRIX 2019“ што се одржа во Ниш, Србија. Сите првите места и златни одличја се освоени од каратистите кои се натпреваруваа во борба.
-Прво место освоија Ива Крстевска во категорија на каратистки над 44 килограми, Максим Божиновски до 35 килограми, Арбион Велии до 45 килограми и Стефан Илиевски до 52 килограми. Второ место освоија Филип Бојчев и Михаела Сапунџиевска. Трети места и брознени медали имаат Викторија Милеска, Тома Степановски, Дарио Апостолоски и Живе Петровски, информираат тренерите Ивица Милевски и Александар Давидовски.
Наредниот викенд каратистите од КК „Шарпланинец“ ќе учествуваат на Тетово опен организиран од КК Фати од Тетово, додека една недела подоцна на Турнирот „13 Ноевмри“ во Скопје. Во ноември предвидено е учество и на Арена Куп во Белград, Србија
