На профилот на социјалната мрежа Фејсбук на градоначалничката Теута Арифи се објавени фотографиите од уредување на јавен простор во една од тетовските населби, при што се забележува дека на клупите за седење името на општина Тетово го има само на албански јазик. Според објaвата Теута Арифи денес ја посетила населбата за да утврди како се одвива уредувањето на просторот.
-За уредување на јавниот простор околу Кула 217 поставени се бекатони на површина од 2300м2 урбана опрема, корпи за отпадоци и клупи, прилагодување на јавно осветлување и атмосферска канализација, се вели во објавата.
Вкупната вредност на инвестицијата е 2,2 милиони денари.
А.С
