Колективна изложба „Есенски салон“ на 15 уметници членови на Здружението „Арт Полог“ беше свечено отворена вчера во Уметничката Галерија во Тетово. Претставените дела ќе бидат изложени и ќе може да се погледнат до среда 30 октомври.
– Ние сме ново здружение на уметници, ова е прва година на нашето постоење и на овој начин се претставуваме пред тетовската публика.Тема беше слободна и секој уметник се изрази на свој начин. Имаме вајарство, сликарство и графика претставени на повеќе основи како картон, платно, и слично, изјави Али Синани, сликар и претседател на Здружението.
Колективната изложба „Есенски салон“ биле претставена пред жителите на Добри Дол, гостиварско и во Центарот за култура „Кочо Рацин“ во Кичево. Следува и изложба во Гостивар.
