Членовите на Здружение на ликовни уметници на град Тетово се претставија пред јавноста со ревијалната колективна изложба „Пролетен Салон 2021“. Изложбата свечено беше отворена вчера во просториите на националната установа Уметничка Галерија Тетово.
-Колективните изложби можеме да ги споредуваме со градините полни со разновидни цвеќиња, каде секој го наоѓа своето омилено цвеќе. Во една колективна изложба како да ја чуствуваш сродната возвишена душа, коe го претставува пред нас нивниот симболичен свет. Имаме слики, графики, скулптури, креации од графички дизајн, фотографии и скулптури. Имаме разработени творби со разни техники. Имаме портрети, пеисажи и апстрактна уметност. Значи имаме мноштво уметнички преокупации. Пронајдениот примател на овој уметнички свет, чувствува, медитира, рефлектира, се самоисполнува. Препознава нови егзистенцијални димензии кои се фатени од уметничките сетила, истакна рецензентот на изложбата, Салајдин Салиху.
На изложбата се застапени 48 визуелни уметници кои се претставени со 50 уметнички дела.
А.С