Претседателот на Демократската партија на Албанците Мендух Тачи порача дека повеќе е подготвен за разговор со СДСМ отколку со ВМРО ДПМНЕ. Неговата партија денес во Тетово го завршува партиското организирање пред да започне со кампања за изборите.
– Секогаш сум директен, не изигравам политички фолирант како моите политички опоненти кои викаат дека за нас се прифатливи и овие и тие. Многу е јасен, политичкиот речник, пристапот на премиерот, отвореноста на премиерот да се разговара за многу тешки теми. Неговата заслуга за ова што го деблокиравме интеграцискиот процес води кон спремноста ние да разговараме и понатаму со СДС. Што се однесува до ВМРО ДПМНЕ мислам дека им претстои многу голема битка со внатрешниот катарзис. Ми беше чудно кога нивниот лидер отприлика не напаѓаше пред 2-3 дена дека јас сум рекол вака или така. Значи моите изјави ги превртуваше, ќе дојде време кога многу брзо, знаете јас сум многу транспарентен, ќе кажам на јавноста какви посредници меѓународни и околу нас праќа лидерот на ВМРО ДПМНЕ за да имаме некаков контакт, рече Тачи.
Тој смета дека со останатите партии од албанскиот политички блок нема основа за соработка.
-Мислам дека кога ќе почне кампањата многу работи ќе бидат јасни. Ова што вие го нарекувате албански блок мислам дека тоа е анти-ДПА блок. Сите овие мали политички формации, почнувајќи од Беса па до тој нашиот издајник создадени се политички нас да не уништат. Јас ја враќам пораката исто така ќе се однесуваме-политички да ги уништиме. Нашата прва битка ќе биде со тие манипуланти кои 2016 даваа допринос со факти и со аргументи да ДУИ ни останува на власт уште три години. Втората битка се знае, битката против ДУИ што е политичка,коректна и морална битка затоа што они се одговорни за 17 години за сите недостатоци, и мислам дека тоа ќе биде тешка битка иако некои сметаат дека тоа е битка помеѓу Голијат и Давид, но има во историјата случаеви кога Давид го победи Голијат, рече Тачи.
По изборите во ограноците во изминатиот период, денес во Тетово ДПА го формира новото претседателство на Централното собрание да ја започне изборната кампњата на почетокот на 2020 година.
А.С
