Меѓународниот поетски фестивал „Денови на Наим“ ќе се одржува од утре до 21 октомври во Тетово и во албанскиот град Корча, најавија на прес конференција од дирекцијата на фестивалот.
Отворањето е предвидено во четврток пред Ценарот за култура „Иљо Антески Смок“ во 19 часот и 30 минути, а пригодно обраќање се очекува да има министерот за култура Хусни Исмаили, како и градоначалничката на Тетово, Теута Арифи.
-Лауреат на годинешното издание е поетесата од Англија, Фиона Самсон која ќе добие наградата „Наим Фрашери“ како и функцијата почесен член на дирекцијата на фестивалот. На вториот ден во општина Тетово ќе се промовираат 10 книги меѓу кои 3 книги на лауреатите, Антологија на фестивалот, Антологија на македонската модерна поезија и други книги на странски и албански поети.Во петок попладне ќе одиме во Арабати Баба Теќе каде ќе имаме читање. Во сабота ќе патуваме за Корча каде е финалната вечер и доделувањето на наградите, изјави Шаип Емурлаху од дирекцијата на фестивалот.
На меѓународниот поетски фестивал „Денови на Наим“ ќе учествуваат 40-тина поети од 10 земји.