Моделот на управување со пензионерските домови ќе се менува со цел да се понудат посовремените модели на заштита на највозрасните лица, најави министерката за труд и социјална работа Мила Царовска од Тетово при посетета на Здружението на пензионери. Засега домовите ги менаџираат здруженијата на пензионери, Сојузот на пензионери како Фондот за пензиско и инвалидско осигурување кои треба да имаат иста формула за менаџирање.
-Направивме заедно со Светска банка проценка дека треба да се донесе одлука во која насока ќе се управуваат овие домови за пензионери.Ние сме во соработка и дискусија во ова прашање. Сигурна сум дека во наредниот период ќе се најде конечниот модел и ќе почне импленентацијата. Ние како Влада не само што се грижиме пензиите да растат туку и важно е современи модели на заштита да нудиме, рече Царовска.
Постои насока која предвидува социјална заштита за повозрасните таму каде веќе живеат, за да се избегне гетоизација во пензионерските домови, смета Царовска. Насоката е да се формират општински претријатија кои ќе имаат вработени кои ќе даваат социјални услуги за стари лица.
-Во моментов имаме оглас за сите општини, а се однесува на тоа да развијат социјални услуги на локално ниво и ќе се изненадиме дека од 65 општини кои аплицирале 56 побарале грижа во домашни услови. А таа е услуга која во наредната година со помош на МТСП не само техничка туку и финансиска ќе се развиваат тие услуги и понатаму општините ќе може да менаџираат на еден ваков тип на претријатија кои ќе значат од 2 до 24 часа поддршка за возрасните лица. Ова не само што нуди грижа за возрасните лица туку и вработување и на некој начин со една акција правиме две добра во една иста општина. Јас посакувам да овој модел биде поуспешен од сите други форми на згрижување затоа што и старските и пензионерските домови на некој начин се геотизација. Се на некој начин исклучување од секојдневното живеење. Јас како министерка и Владата се залагам за целосно вклученост за сите лица додека можат, потенцира Царовска.
Таа на средбата со пензионерите од Тетово разговараше за претстојното зголемување на пензиите, но и за други актуелни прашања поврзани со повозрасната популација.
-Со пензиската реформа само за една година направивме заштеда во Фондот за пензиско и инвалидско осигурување од 3 милијарди денари, а минималната плата порасна за 15% што ни дава за право да направиме трето усогласување на пензиите коешто ќе биде законско. Во јануари 2020 година сите пензии ќе пораснат за 700 денари и дополнително ќе се усогласат со 160 до 200 денари со што до крајот на 2020 покачувањето ќе изнесува околу 900 денари”, рече Царовска.
На сребата беа и Илија Ивановски, заменик директорот на Фондот за пензиско и инвалидско осигурување и претседателката на Сојузот на здруженија на пензионери Станка Трајкова. Тетовското здружение го раководи Селвер Амети.