Новиот шестосед ски лифт кој се гради на Попова Шапка ќе биде во употреба за оваа зимска и скијачка сезона, оцени министерот Бектеши кој денес беше на увид на одвивањето на градежните работи на патот до ски центарот. Според него на новиот ски-лифт ќе се пристапи кон технички прием во рок од 3 до 4 недели.
-Ќе има теститање на ски лифтот ќе се овозможи на ЕЛЕМ Турс да го стави во функција пред да почне зимската сезона кога Шапка се посетува најмногу. Нема да застанеме тука, нашата цел е да се создадеме регионален центар кој нема да придонесе само во локалниот развој туку и во регионалниот каде ќе се креираат нови работни места, рече Бектеши.
Анализите кои се прават ќе дадат насоки како во иднина Попова Шапка ќе се развива, а одлуката ќе биде донесена наредната година,рече министерот.
-За таа цел се спроведува кај ЕЛЕМ Турс „дју дилиџенс“ анализата, сега чекаме и физибилити студијата и врз основа на тие документи кои се многу прецизни ќе ни дадат насока каде треба да се движиме. „Дју дилиџенс“ е финансискиот аспект во длабочина на ЕЛЕМ турс како сестра компанија на ЕСМ. Физибилити студија ќе даде две до три опции на кај треба да се движиме и секако ќе ги рангира тие опции согласно студијата што е направена од професионална куќа и ќе предложи на Владата какви мерки треба да се преземе во иднина. Така наредната година ќе се знае што ќе се прави воопшто со Попова Шапка, со ски лифтовите, хотелите и во целост што со ЕЛЕМ Турс, истакна Бектеши.
Министерот посочи дека Министерството ќе даде помош на општина Тетово околу останатите активности за подобрување на инфраструктурните услови на Попова Шапка и викенд населбата.
