Министерот за здравство Венко Филипче ги посети Инфективното одделение и Биохемиската лабораторија во тетовската клиничка болница
-Реновирањето во овие два оддели од болницата доаѓа по минатогодишната посета и договор со раководството за потребата за инвестирање. Во инфективното одделение има комплетно нова инфраструктура, кревети и се што потребмо за пациентите и персоналот. Во лабораторијата има исто така подобрени услови за работа и прием на пациенти, при што се бележи 20 проценти повеќе услуги од лани, и за болнички пациенти и за пациенти од кои имаат потреба од амбулантски прегеди на крвта, рече министерот Филипче.
Според првиот човек на здравството, тетовската болница и кадровски е силно екипирана.
-Зајакнат е капацитет во двете измнати години. Има над 150 луѓе нов персонал, севкупно како и дополнителни 40 лица договори на дело кои треба да добијат договор на неопределено. Огромен број на субпецијалистисти се вратени и со тоа има нови дејности во болницата што значи се достапни за сите пациенти во овиој регион, а навистина е голем регион со многу жители. Тоа се субспецијалисти од гастроентеропатологија, еднокринологија и нефрологија. Тоа отвора можност за повеќе термини и подобра услуга за сите жители, истакна Филипче.
Министерот информираше дека од лани, болницата соработува со Трауматологија од Скопје од каде специјалисти изведуваат ортопедски интервенции посебно во спинална хирургија, услуга за која се патувало и чекало во главниот град.
-Тетовската болница беше дел од Перимак проект со опрема и кадар од гинекологија и неонатално лекување во специјално обучување со кое се подигна за еден степен нивото на родилиште при што значајно е намалена неонаталната смртноста во нашата земја скоро преполовиена во однос на послените 8 до 9 години, рече Филипче.
Во скоро време се очекува започнување на постапката за набавка на нова опрема за пет болници низ државата, најави министерот за здравство Венко Филипче кој беше во посета на тетовската клиничка болница. Според него уште на почетокот на 2020 болниците ќе може таа опрема да ја користат.
-За опремување на ургентен центар во Тетово, како и болниците во Струмица, Штип и болницата Свети Еразмо во Охрид сме имале разговори со премиерот Заев и има финансиска поддршка за купување нова опрема. Постапката ќе ја започнеме, а на почеток на следната година ќе биде инсталирана и на располагање, најави Филипче.
Тој истакна дека се работи на што поскоро да профункционира новиот систем за патронажи посети во оддалечените рурални места.
-Дефицитот со кој се сочени рурални далечни места ќе се надминува со имплементирање на мерката за патронажни сервиси. Млади лекари со лиценца ќе бидат дел од здравствените домови како патронажни сервиси и вакцинални пунтови и по принцип на ротации ќе даваат услуги во оддалечените места. Со истиот систем на ротација и ќе фунционираат и мобилни аптеки, сега кога со ослободување од квотите нема да има проблем за испорака на лекови, рече Филипче.
Министерот истакна и дека лекари кои сакаат да преминат од приватниот сектор во јавните установи тоа ќе можат да го направат согласно трендот на одобрување на согласностите за вработување во јавното здравството, каде во изминатите две години се бележат вкупно 5000 нови вработувања и како и тоа дека секоја установа за најмалку 10 отсто го зголемила својот кадровски капацитет.