Михаела Мишовска членка на карате клубот „Тигар 2003“ од Тетово е прогласена во групата на три најдобри кадетки на државно ниво на изборот за најдобри клубови, тренери и натпреварувачи за 2020 година на Карате федерацијата на Македонија што се одржа викендов во Скопје. Таа доби признание за најуспешна каратистка за кадетки со помалку од 47 килограми.
-Михаела има 15 години, а титулата ја доби во категоријата кумите кадети женски. Таа во февруари 2020 година учествуваше на европското првенство во Будимпешта, Унгарија, откако претходно во 2019 беше првак на државното првенство за кадети во кумите женска категорија минус 47 килограми. Има и три учества на Балканските првенства. Ова признание е мотивација за понатамошни успеси во кариерата и се надеваме дека 2021 со пребродување на пандемијата и натпреварувачите ќе се вратат на татамите (борилишта) со поголеми успеси, информира Живорад Мишoвски нејзиниот тренер и татко.
На изборот за најдобри натпреварувачи во сениорска конкуренција во кумите беа прогласени Емил Павлов во машка и Вероника Костовка во женска конкуренција. За најдобри натпреварувачи во сениорска конкуренција во кати беа прогласени Ферри Исиќ во машка и Пулексенија Јованоска во женска конкуренција. За најдобар младински и сениорски клуб беше прогласен карате клубот „Макпетрол“ а за најдобар младинки и сениорски тренер Бошко Заборски. Победници беа прогласени и во младински и кадетски категории. Во кумите сениори до 21 година машки признание има и Вегим Мурати од КК „Шкендија“ од Тетово.
А.С
