Намалување на дотокот на вода за пиење има во Тетово откако вон системот е ставен изворот во месноста Лешница, информират од Јавното комунално претријатие „Тетово“. Намалениот доток е причина за послаб притисок на водата или прекин во водоснабдувањето кај одредени домаќинства.
-Поради зголемен индекс на заматување самиот систем го допре доток на вода од изворот Лешница со што се намали дотокот во водовоснабдителната мрежа за 120 литри вода во секунда колку што се обезбедуваа од тоа место. Сега градот се снабдува со помалку вода од другите извори, односно вкупно 200 литри. Според проценките отстранувањето на проблемот може да случи денес или утре со што ќе се очекува нормализирање на водоснабдувањето, информира Љуљзим Шаќири, раководител на водотехничка лабораторија при работна единица „Водовод и канализација“ при ЈКП Тетово.
Во првата половина од август Тетово неколку дена се соочуваше со прекини во водоснабдувањето откако имаше поголеми дефекти и пукнати Ф300 водоводни цевки кои се втора категорија по големина и значајни за проток на водата. Два дена околу 90 проценти од градот имаше прекин во водоснабдувањето.
А.С
