Без проблеми започна второто полугодие во рамки на општина Тетово каде 9.892 ученици следат настава во основно, додека 6.633 во средно образование. Од секторот за јавно дејности при општината велат дека сите училишта имаат обезбедено греење за нормално одвивање на наставата во зимски услови.
„Сите училишта се снабдени со соодветните ресурси за греење. Уште од вчерашниот ден беа затоплени училниците и така денес учениците и наставниот кадар има топли објекти за нормално одвивање на наставата. Исто така направена е набавка на надгледни средства. Сега фокусот е во постигнувањето успеси и квалитет во нашите училишта“, изјави Ахмед Ќазими, раководителот на Секторот за јавни дејности.
Тој информира дека средното стручно училиште Моша Пијаде во текот на календарската 2020 година ќе трансформира во Регионален центар за стручно образование и Центар за обуки.
„Има одлука на Владата за оваа трансформација. Во наредните три месеци ќе се работи на адаптирање на процесот, изјави Ќазими.
А.С