Вкупно 291 верник од муслиманска вероисповед од тетовскиот регион заминале на аџилак во Саудиска Арабија. Најмладиот е 5 годишно дете од Требош кое оди на поклоничкото патување со двајцата родители, а најстариот е 74 годишен верник од градот.
-Во средата во 15 часот, во новиот социјално културен објект на тетовското муфтиниство беше организирана заедничка молитва за аџиите што решиле да одат на аџилак годинава. Делови од Светиот Куран беа прочитани во чест на старешините Хавзи ефенди Рамазан и Харис ефенди Мемедали. Првата група од 51 лице замина во вторникот навечер, а 168 лица во средата, информираат од тетовското муфтиство при Исламската верска заедница.
Аџилакот односно поклоничко патување во градот Мека е еден од петте столбови во исламот. Во исламската вера се смета дека секој верник кој е во можност треба да го изврши петдневниот ритуал барем еднаш во животот.
