Освоени првите златни медали, работа и подготовки во сала за наредните турнири. Ваква е позитивната атмосфера во карате клубот Шарпланинец во Тетово, во првите денови од есента кога се повеќе младите каратисти го засилуваат фокусирањето на натпреварувачкиот дел од сезоната.
По летото, на скорешниот „Златен куп“ што се одигра во Тетово каратистите од Шарпланинец освоија две златни, две сребрени и една бронзена медалја.
-Стефан Илиевски и Арбион Велии освоија прво место во нивните категории-Стефан во категорија за деца до 12 години и под 53 килограми, Арбион до 11 години под 47 килограми. Ива Крстевска беше втора во категорија до 12 години и над 44 килограми, а Михаела Сапунџиевска до 10 години и под 34 килограми. Дарио Апостоловски освои трето место во катергорија деца до 13 години и под 55 килограми, информираат тренерите Александар Давидовски и Ивица Милевски.
Сега следуваат нови два турнири во октомври-Струга опен и Меѓународен турнир Никола Грдановски Нике во организација на КК Металург од Скопје. Во ноевмри е турнирот на КК Фати во Тетово како и Меѓународниот турнир 13 ноември на КК Цветан Димов во Скопје.
Исто така подготовките се прават за меѓународните турнири (европски купови за деца) во октомври во Подгорица во Црна Гора во Подгорица и во Хасково во Бугарија.
Бодовите од сите овие натпревари и турнири се важни младите каратисти со оглед дека се борат за учество на Државното првенство кое се одигрува еднаш годишно. Исто така на секое државно првенство пласманот од првото до третото место значи место во репрезентацијата и пласман на Балканско првенство како и на понатамошните натпреварувања.
-Ние во 2018 година го имавме Стефан Илиевски за државен првак, кој и годинава ја одбрани титулата. Исто така од нашите редови во април годинава државен првак беше и Михаела Сапунџиевска, велат тренерите.
Каратете од 2020 година ќе биде олимписки спорт и со тоа зголемен е интересот за децата за натпреварување.
-Во нашиот клуб се натпреваруваме во кумите или спортска борба. Поради големиот интерес започнуваме и со најмладите деца дури и од 4-5 години кои можат да доаѓаат на спортски тренинзи и активности и понатаму да продолжат со каратето, велат од Шарпланинец.
Овој клуб поседува сопствена сала каде се одржуваат тренинзите.