Водата за пиење во Теарце, Глоѓи и Пршовце не е исправна за пиење покажаа микробиолошките анализи кои ги направи Центарот за јавно здравје од Тетово откако мината недела неколку стотици жители на овие места се соочија со ентероколитис. Остануваат препораките водата од чешмите да не се користи за пиење и подготување храна, а населението да се снабдува со индустриски складирана вода за пиење.
-Утврдено е присуство на фамилија бактерии во водата која укажува на тоа дека има фекално загадување. Водата не смее да се пие и не смее да се користи за подготвување храна. Граѓаните да не ја користат се до добивање нова информација, соопштија денес од Одделението за хигиена и здравствена екологија при Центарот за јавно здравје.
Мината недела зголемене број жители на селата во општина Теарце се пожалија на ентероколитис, односно стомачни болки, пропратени со дијареја и повраќање. По препораките на Центарот за јавно здравје да не се користи водата од селските водоводи состојбата се стабилизираше односно се намали бројот на лица со здравствени тегоби.
Првично физичко-хемиските анализи не покажаа проблематични параметри, но подолготрајните микробиолошките испитувања покажаа што не е во ред со водата пиење.
